Ma'lumoti:                

 1992-yil Toshkent davlat tibbiyot  instituti «Davolash ishi» fakulitetini tamomlagan.

 1992-1993-yillarda Surxondaryo viloyati 1-son klinik  shifoxonasida “Anesteziolog – reanimatolog”  mutaxassisligi  bo’yicha  internaturani  tamomlagan.  

1993-yildan Sho’rchi tumani Markaziy shifoxonasi anesteziologiya va reanimatsiya  bo’limida vrach anesteziolog –reanimatolog lavozimida ishlagan. 1999-yildan Respublika ixtisoslashtirilgan travmatologiya va ortopediya ilmiy-amaliy  tibbiyot markazi anesteziologiya - reanimatsiya bo’limida anesteziolog –reanimatolog    lavozimida ishlab kelmoqda .

Kasbiy qiziqish doirasi:  Anesteziologiya va reanimatsiya sohasidagi  barcha yangi davo usullarini o’zlashtirish va amaliyotda keng qo’llash; operatsion va anesteziologik xavfi yuqori bo’lgan bemorlarni  operasiya oldi  ko’ruvidan o’tkazish,  kuzatilishi mumkin bo’lgan asoratlar profilaktikasini standart bo’yicha olib borish; davo standartlarini yanada boyitish; anesteziologiya va reanimatsiyada reabilitasiya  metodlarini jarrohlik amaliyotidan keyingi dastlabki soatlarda  kiritish.

Hozirgi vaqtda anesteziya va operatsiyadan keyin ayrim holatlarda kuzatilayotgan  kognitiv o’zgarishlar sabablarini mukammal o’rganish va bartaraf qilish ustida izlanish olib bormoqda. 

 Mutaxasisligi  bo’yicha  kasbiy mahorati va yutuqlari:  

Anesteziya va reanimatsiyaning barcha zamonaviy usullarini amaliyotda yaxshi qo’llay oladi. Ko’p komponentli umumiy endotraxeal anesteziya, umumiy tomir ichiga yuboriladigan anesteziya, neyroaksial anesteziya  ( orqa miya anesteziyasi, epidural anesteziya, kombinasiyalashgan  anesteziya) Ultratovush ko’ruvi nazorati ostida  pereferik nerv chigali blokadasini amalga oshirish. 

Ilmiy darajasi :  Oliy toifali  vrach anesteziolog – reanimatolog. 27 yillik ish stajiga ega .   10 ta maqolasi, 10ta tezis  va 6  ta ilmiy ma’ruzasi nashr qilingan.

CEEA(Anesteziologiya bo’yicha Yevropa ta’limi qo’mitasi) a’zosi. 2019-yilda Nevrologiya va mahalliy va mintaqaviy anesteziya, og’riq terapiyasi dasturi bo’yicha o’qishning to’liq kursini o’tgan. Bundan tashqari  2ta uslubiy tavsiyalar va “Katta yoshdagi  bemorlarda ortopedik  operasiyadan  keyingi analigeziyaning xususiyatlari” mavzusida ma’ruza qilgan. Barcha  zamonaviy anesteziya va reanimasiya usullarini yaxshi biladi. Anesteziya va reanimatsiya  uchun qo’llaniladigan  zamonaviy asboblar bilan ishlash ko’nikmasiga ega .